Gran gara di fascegn apede l Sile

Data

14 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A la »Mezza di Treviso« Mauro Rasom à arjont l 6° post e Damiano Nicolodi n boniscim 26° piazament.

Con l uton se sera su pian pian l temp de corer sa mont, ma inant che sie ora de trèr ca la pouses l atlet fascian Mauro Rasom l se à pissà de se dèr jù mingol ence sul pian e ai 10 de otober, ensema con l amich Damiano Nicolodi, l à tout pèrt a la mesa maratona endrezèda a Treviso dal ex atlet Salvatore Bettiol.

I era de 1700, da 14 desvaliva regions de la Tèlia, i scric ite a la 7^ edizion de la »Mezza di Treviso«, che dajea enscin a trei ores de temp per ruèr al travert do aer coret sul pian i 21 chilometres classics de la mesa maratona.

N temp che ge à bastà a 1277 partezipanc per fenir la gara. N muie manco l é stat ampò chel durà dal venjidor Nadir Cavagna, de la Val Brembana, che à taà la veta te 1 ora, 6 menuc e 30 seconc. Sul podie con el l é ruà i atlec de cèsa Stefano Ghenda (1h08’08”) e Paolo Zanatta (1h08’53”), ma nience 6 menuc do al travert la sodesfazion é stata ladina. Defat Mauro Rasom à corì l percors tel temp de 1h14’40”, mioran de 5 menuc e mez l temp fat jai 2 egn a la mesa maratona sul Garda, e chest ge à permetù de ruèr al 6° post assolut.

De più su La Usc stampèda de vender ai 15 de otober.  (Lucia Gross)