Per la terza setemana de seghit l Fascia balon porta a ciasa ponc de gra al 1 a 1 madurà sul ciamp engrà de Ronzone contra l’Alta Anaunia. Scomenza ben la endesfida per i fascegn che do doi menuc i rua vejins al 1 a 0 con na trata de Matteo Lorenz che la fenesc auta.
Mingol a la outa i patrogn de ciasa vegn fora da soa metà del ciamp e i proa a ge dar festidech a la defendura fasciana, ma zenza mai brincar l usc.
Sul mez del prum temp rua n’autra ocajion per Deflorian e compagnes, con Sebastiano Rasom che do na rebatuda curta de la defendura noneja l proa a far gol con na trata dai 20 metres che scigola vejin al set dajan l’ilujion del gol.
Te la seconda part de la endesfida i bec arcedé da mister Cigolla i va en vantac de gra a na gran azion de Patrizio Deville, che l sauta doi aversaries e l met te mez l balon per Samuele Ruggiero, che da doi pasc dal usc no l fala.
Podede lejer dut l articol, i resultac de la squadres mendres e la classifica su La Usc stampèda de vender ai 15 de otober. (Pierpaolo Rasom)
Amò n bon pont per l Fascia
I bec de Mister Cigolla à arjont l resultat de 1 a 1 sul ciamp forest contra l’Alta Anaunia.
Galaria retrac
View the embedded image gallery online at:
https://www.lausc.it/sport/17415-amo-n-bon-pont-per-l-fascia#sigProId7147f84b8d
https://www.lausc.it/sport/17415-amo-n-bon-pont-per-l-fascia#sigProId7147f84b8d