L é temp de le ultime garejade de roda da mont per i atlec de la 3Esse de Soraga. Defat en domenia ai 3 de otober l é stat la »Legnano Bike«.
L percors l era beleche dut sul pian e de gra a na bona partenza l’atleta fasciana Giorgia Ciocca la é sutada sobito tedant e la é stata bona de mantegnir n gran vantac per duta la gara, se portan a ciasa na neva venta.
La setemana do, en sabeda ai 9 de otober, l é stat enveze na gara de ciclocross per joegn al Campo Altair jun Busan. Te chest event la sozietà fasciana à tout su doi prume posizion, con Giorgia Ciocca te le G5 e Sophie Tallandier te le G6.
Te dute doi le garejade nosce atlete le é state bone de far na bona partenza e de star tedant per duta la garejada, zenza aer problemes, ruan coscita a se vadagnar l prum post. L ultim apuntament é a Commezzadura en domenia ai 17 de otober. A noscia atletes n gran te bocia al louf! (Gloria Gabrielli)
Prumes posć per le atlete de la 3Esse
Giorgia Ciocca e Sophie Tallandier à vent a Legnano e jun Busan.
Galaria retrac
- Giorgia Ciocca à vent la Legnano Bike.
- Sophie Tallandier pruma de sia categorìa te na garejada de ciclocross.
View the embedded image gallery online at:
https://www.lausc.it/sport/17420-prumes-posc-per-le-atlete-de-la-3esse#sigProId6ef65b0c72
https://www.lausc.it/sport/17420-prumes-posc-per-le-atlete-de-la-3esse#sigProId6ef65b0c72