La Usc di Ladins

L é stat na bona setemèna, chela passèda, per l hockey ladin. A la averjer na bela venta del Cortina, che su la giacia del Olimpich l à batù i Vienna Capitals Silver per 6 a 2.
Trei dis de paussa, e duc su la giacia en jebia ai 21 del meis. Trei partides ladines, trei ventes. Gran legreza per i ampezegn che se à vadagnà de contra al Renon, semper su la giacia de cèsa, la seconda venta de la setemèna, chest’outa per 4 a 1. Ma festa l é stat ence chela del Gherdena, che a Maran l se a portà demez i ponts de la venta con n bon 3 a 1. E venta ence per l Fascia, che à vedù ruèr l Feldkirch al Scola, e l l’à batù per 5 a 2.
Con chest bel tris de ventes, la ladines se à prejentà per la giornèda di 23 con neva forza. Ma do doi ventes a do a do, l Cortina à cognù zeder al Lustenau forin Austria, e Fascia e Gherdena se à enveze troà una contra l’autra tel derby del Pranives. 
En ultima en mèrtesc ai 26 l Fascia se à troà a jièr de contra al Klagenfurt.

Podede lejer de più en cont de chesta partides su La Usc stampèda de vender ai 29 de otober.
Endèna en jebia ai 28 l campionat AHL met en calandèr n'autra ronda completa de partides per la trei squadres ladines.  (Daniele Verra)