Do n par de setemènes senestres per i resultac, i falchec troa zacan de bela ventes che dèsc legreza e gaissa per l davegnir. La ultima endesfides ge à defat grignà a l’U.15 che à regoet 6 ponts te doi encontres, ma ence a l’U.17 che à troà na bela venta te sia ultima partida. La no ge é jita fata enveze a l’U.13 e a la 19.
No rua de bela neves dapò tel setor mender per l’U.11, che amò no à n calandèr de campionat tel Trentin, dassen tardif respet a chel del Sudtirol jà peà via da più setemènes. Ma ruon al hockey jià.
L’U.13 era empegnèda en sabeda ai 6 de november a Perjen, olache l à perdù per 5 a 4.
Per chel che vèrda l’U.15 enveze l é ruà doi bela ventes per i bec fascegn che jia con la maia del Fiem. La colaborazion con la squadra Valdifiemme JTH la va inant delvers, e la tol ite ence la formazions più granes U.17 e 19. L’U.17 en sabeda ai 6 l’à cognù ge fèr front al Valpellice al Scola de Dèlba e la partida é fenida 6 a 2 per i Falcons.
En domenia ai 7 à jià enveze l’U.19. La squadra de Fiem e Fascia à cognù ge fèr front al Pusteria fora Ciavaleis.
De più su La Usc stampèda de vender ai 12 de november. (Daniele Verra)
I falchec veit la lum
Dopia venta per l’U.15, venc ence la U.17.
Galaria retrac
View the embedded image gallery online at:
https://www.lausc.it/sport/17731-i-falchec-veit-la-lum#sigProId47c651b4b8
https://www.lausc.it/sport/17731-i-falchec-veit-la-lum#sigProId47c651b4b8