La Usc di Ladins

A se tor la scena del hockey fora dal chèder de la Alps Hockey League l é stat la competizion nazionèla del Euro Ice Hockey Challenge che à vedù se trèr ite i feres la squadra talièna. Na squadra n muie joena, con età media de 24 egn, e soraldut da la gran enèma ladina chela che se à troà te l’Ungheria per jièr la doi endesfides con Ungheria e Ucraina.

Squadra talièna, ènema ladina
Do 70 dis da l’ultima endesfida de calificazion olimpica de Riga, l é stat donca la giacia magiara a ge dèr alberch a la formazion vidèda da coach Greg Ireland. Grana la prejenza ladina che à vedù desvalives jiadores empegné su la giacia. A se regolèr de nazionèl l é stat defat l gherdener Simon Kostner, e amò i jiadores del Fascia Falcons Marco Defrancesco, Leonardo Felicetti e Daniel Tedesco. Apede ic, ence Marco Marzolini, Sebastiano Soracreppa e Stephan Deluca, fascegn che l Fascia à partorì e che ades i porta l inom de noscia val utró. Na prejenza fondamentèla chela di fascegn, che i é stac bogn de doentèr protagonisć te la doi endesfides, soraldut te la partida mata con l’Ucraina.

De più su La Usc stampèda de vender ai 19 de november.  (Daniele Verra)