La Usc di Ladins

Desche per l’AHL, ence i campionac mendres se à fermà per ge dèr l met a la nazionèles de categoria de se binèr. A propojit de chest, bela la neva ruèda dal Fascia Falcons sul cont de la partezipazion del coach Michele Lazzer tel staff arcedadores de la nazionèla U.15 che se à binà a Kufstein e che à otegnù de bie resultac. Ence endèna chesta setemèna i falchec no i se à aboncont fermà, empegné te desvaliva partides da peconc.

Scomenzon da le Under più picoles. L’U.9 à podù tor pèrt a n bel tornoi a 4 squadres dessema a l’U.11 en sabeda ai 13 de november. La endesfides é states jièdes al Scola de Dèlba, per ge dèr zacan l met ence ai bec più picoi de se mesurèr te la partides e de aer amò più gust. L tornoi a vedù jièr de contra doi squadres del Fascia e doi squadres del Busan Academy, vidèdes anter l auter dal coach fascian Luca Felicetti.

I resultac con mingol de cronaca de l'autra partides del setor di joegn del hockey de Fascia é da poder lejer su La Usc stampèda de vender ai 19 de november.  (Daniele Verra)