Moena campiona de paslonch

Data

06 de auril 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Toblach medaa de or per Caterina Ganz e Simone Mastrobattista e arjent per Alessandro Chiocchetti e Giovanni Ticcò. Or ence per l’ampezana Anna Comarella.

L é stat n resultat da marevea per i atlec da Moena chel concostà te la garejèdes di campionac taliegn de paslonch, te la desvaliva spezialitèdes che se à dejout dai 30 de mèrz ai 3 de oril a Toblach, te la Pustra, te na bela cornisc da neif amò da pien invern.

La pruma medaa é ruèda jà l prum dì, en mercol ai 30 de mèrz te la 15 chilometres individuèla a tecnica ledia venta da Giandomenico Salvadori, olache Giovanni Ticcò, atlet da Moena clas 2000 de le Fiamme Oro, se à vadagnà l 7° post assolut e la medaa de arjent di Under 23.

En vender prum de oril Moena à batù la mans amò più debel per Simone Mastrobattista: l joen del 2002 atlet de le Fiamme Gialle con n final da marevea l se à vadagnà defat l più bel resultat enscin ades de sia cariera: la medaa de or ti taliegn sprint Under 20. Tel medemo dì a smaorèr amò la legreza l é ruà n’autra medaa moenata, chela de bron vadagnèda ti assoluc sprint de eles da Caterina Ganz.

Ma l maor ejit per Caterina cognea amò ruèr: defat tel ultim dì de garejèdes la atleta clas 1995 de le Fiamme Gialle se à vadagnà l titol de Campiona de la Tèlia ruan al prum post te la 30 km. mass start a tecnica classica.

De più coi etres resultac di atlec ladn su La Usc stampèda de vender ai 8 de oril.  (Lucia Gross)