La Usc di Ladins

En domenia ai 27 de mèrz sun Bufaure l é stat endrezà la garejèda sozièla de la sozietà sportiva FassActive. Presciapech 200 atlec, dai più picoi ai più gregn, se à troà con si alenadores e genitores per l’ultima garejèda de la sajon e per fèr festa duc ensema, te na bela giornèda ciauda de soreie.

L é stat n bel moment de agregazion che à paà fora l empegn de duc i atlec e de la sozietà per la sajon rica de garejèdes e alenamenc.

A la garejèdes à tout pèrt i atlec che fèsc schi alpin, chi che se dèsc ju col freestyle e chi che garejea con la brea. Te la categories l é stat spartì fora i atlec de la Val de sora con chi de la Val de sot, la premiazions é states fates te piaz del impiant de Bufaure.

La classifiches de duc i miores se pel les lejer su La Usc stampèda de vender ai 8 de oril.  (Monica Cigolla)