La Usc di Ladins

Sön la pista "Erta" de Copa dl Monn êl ciamó les ultimes taces de nëi artifiziala, i pra de paisc ê oramai vërc y intënc de ciüfs ghei. Sot a chësta culissa él gnü invié ia en sabeda dan otedé a Al Plan la premiaziun ofiziala dla "EnergiaPura Children & Kids Series", na iniziativa promoiüda dala aziënda de vistimënt sportif Energiapura, por premié atlec jogn y jonins che á arjunt tla sajun de schi passada resultac de pëis pro gares desvalies de livel nazional. La premiaziun á odü la partezipaziun dl campiun norvegesc Henrik Kristoffersen, l’ex campiun azzurro Max Blardone y la impormetüda dl schi talian Giovanni Franzoni, che á fat so debut te Copa dl Monn rodunt dl 2020 tl’Alla Badia. Danter i premiá n’ál nia mancé na bela cumpëda de atlec ladins.

Kids Series "Cuccioli" Mitans
2. Benedetta Sardi, SC Al Plan
5. Guendalina Fiorini, SC 18 Cortina
10. Francesca Miribung, ST Alta Badia

Kids Series "Cuccioli" Mituns
1. Tommaso Zanardi - SC Cortina

Children Series Jones
17. Emma Panizzuti, SC Cortina

Children Series Jogn
1. Mattia Valente, SC 18 Cortina
8. Thomas Liberatore, ST Fascia
17. Phillip Ploner, SC Reba

Children Series Alieves
5. Rita Granruaz, ST Alta Badia
12. Annika Johansson, ST Alta Badia
20. Agnese Pais Bianco, SC Cortina

Children Series Aliefs
4. David Castlunger, ST Alta Badia

L’organisaziun sön le post é stada tles mans di organisadus dla Copa dl Monn "Al Plan Events". Te chësta ocajiun á le presidënt Danny Kastlunger y le presidënt onorar Willi Kastlunger podü incundé che Al Plan y Plan de Corones ciafará ince dl 2023 la gara de Copa sön la "Erta", plü avisa le mertesc ai 24 de jená. 

Deplü sön la premiaziun podëise lí t’La Usc di Ladins di 20 de ma

 (pablo)