Les mitans dl U15 é vize campionësses provinziales
La scuadra de volley U15 dl'US La Ila á stlüt jö le campionat provinzial al secundo post
En domënia ai 22 de ma se á stlüt jö i campionac de volley dl VSS it en Passeier. Tla partida sogada cuntra le Bornech á les ladines pordü, mo impó s'ares mirité le secundo post te classifica. L'Uniun Sport La Ila á tut pert cun trëi scuadres ai campionac provinziai te deplü categories y les partides é gnüdes sogades fora por l'invern. Le miú resultat é gnü arjunt dales mitans dl U15, che á stlüt jö le campionat al secundo post. Les ëres se á plazé al 4. post y les jones dl U20 al 9. post. Inant jarára sëgn cun les competiziuns de beach volley. En domënia, ai 29 de ma, jará l'US La Ila a Bibione cun ot scuadres por desfiré les finales di campionac talians. ( Giorgio De Grandi por l'US La Ila)
Galaria retrac
View the embedded image gallery online at:
https://www.lausc.it/sport/19680-les-mitans-dl-u15-e-vize-campionesses-provinziales#sigProIdda27509fc2
https://www.lausc.it/sport/19680-les-mitans-dl-u15-e-vize-campionesses-provinziales#sigProIdda27509fc2