Da mesa les set da doman él pié ia incö, domënia ai 3 de messé, da La Ila 6.871 ziclisć - 6.180 ëi y 691 ëres - che á tut per ala 35ejima ediziun dla Maratona dles Dolomites-Enel 2022. Sciöche vigni ann á i partezipanc y les partezipantes podü cerne danter trëi percursc: le percurs plü lunch – le percurs Maratona – de 138 km cun 4.230 m de deslivel, le percurs mesan de 106 km y 3.130 de deslivel y le percurs plü cört, la roda dl Sela, che se desfira sön 55 km cun 1.780metri de deslivel.
Sön la trassa lungia, s'á atira destaché i dui plü asvelc, Tommaso Elettrico (che á bele davagné plü iadi la gara) y le portoghesc Goncalo Freitas. Sön le Giau é i dui gnüs arjunc da Stefano Stagni, che á tlafinada davagné la Maratona, rovan al travert da Corvara do da 4:27:33. Secundo post por Elettrico y terzo por Freitas. Tla categoria feminila á davagné l'atleta olandeja Marta Maltha cun n tëmp de 5 ores y 12 menüc, secunda Martina Trevisol y terza Annalisa Prato.
Sön le percurs mesan s'á alzé fora le ziclist ladin Franz Wieser de Badia, che á stlüt jö la gara al terzo post, cun le tëmp de 3 ores, 28 menüc y 20 secunc. Pröm é rové Rossano Mauti y secundo Marco Pestacaldi. Tla categoria feminila é rovada pröma Lisa De Cesare, Olga Cappiello secunda y Valeria Curnis terza.
I davagnadus dla percus cört é Davide Ferrari, Federico Aicardi y Michael Hellweger tla categoria maschila y Milena Felici, Laila Orenos y Elena Valentini tla categoria feminila.
Deplü coriosités y retrac dla 35ejima ediziun dla Maratona dles Dolomites-Enel, ciafarëise tla ediziun stampada da en vëndres ai 8 de messé. (kp)
Maratona: n ladin sön le podest
Deplü é i ladins y les ladines che á tut pert ala ediziun numer 35 dla Maratona dles Dolomites: Franz Wieser de Badia é rové terzo sön le percurs mesan
Galaria retrac
View the embedded image gallery online at:
https://www.lausc.it/sport/20143-maratona-n-ladin-soen-le-podest#sigProId465d92bc60
https://www.lausc.it/sport/20143-maratona-n-ladin-soen-le-podest#sigProId465d92bc60