La Usc di Ladins

Tratan l’ultima findledema, ai 23 y 24 de messé, á le Raiffeisen Beachcup fat tapa a Lana. Deplü é les atletes dl’US La Ila che á tut pert, portan a ciasa de bugn re­sultac. La sabeda se á sfidé sön le saurun les mitans dl U16: Maja Valentini y Nadine Valentini é rovades prömes, cuarto post por Marika Frenademez y Barbara Miribung. Tla categoria dles ëres á Stefka Gandini y Giulia Vanzi stlüt jö le turnier al cuarto post.

Le de do éra spo jüda inant cun les partides dles categories U18 y U14. Maja Valentini á chiló soghé cun Marika Frenademetz (U18), se plazan al secundo post y Nadine Valentini á soghé cun Greta Griessmeir da Bornech, davagnan le turnier tla categoria U14.