N torné sot la plöia

Data

26 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Trëntesis sogadus á tut pert al torné de golf organisé en sabeda ai 20 d'agost sön le ciamp Tranrüs da Corvara
La sabeda ai 20 de agost él gnü metü da jí n torné sön 9 büjes da pert dl Hotel Sassongher da Corvara en colaboraziun cun Bisol 1542. 36 é le numer di sogadus che á tut pert y che se á godü la belëza dl ciamp, ince tratan n de olache les condiziuns dl tëmp ne ê nia les plü beles. Le torné se á stlüt jö cun la premiaziun che é gnüda fata pro le Hotel Sassongher. Dedô á i partezipanc podü passé n bel domisdé en compagnia.

Les classifiches
Lordo: 1. Alessandro Boccia (da Roma) cun 15 punc, 2. i sogadus dl post Giacomo Erlacher y Phillip Schrott cun 12 punc.
Netto: 1. categoria: 1. Phillip Schrott 19 punc, 2. Silvio Miribung 17 punc, 3. Sergio Tiezza. 2. categoria: 1. Raphael Comploj y Filippo Dapunt 21 punc, 3. Hanspeter Pitscheider 19 punc.
La miú ëra dl de é stada Renate Pescosta cun 18 punc.

Proscim apuntamënt
I tornés de golf jará inant indoman, sabeda, cun la »Knödel Cup« dl Hotel Sport da Calfosch y la domënia cun n torné a copies »Attackingladins Golf Cup« inviada ia dal atlet de schi Hannes Zingerle.  (md)