La Usc di Ladins

Dui apuntamënc cun le golf, tla ultima fin dl’edema pro le Golf Club Alta Badia. La sabeda ai 27 de agost él gnü a s’al dé le "Knödel Cup", n torné sön 9 büjes organisé dal Hotel Sport da Calfosch. Pro chësc "torné dles bales" á i 25 sogadus podü ciarcé deplü sorts de bales, tratan la premiaziun do les 9 büjes.
La domënia é por le golf Club Alta Badia indô stada na premiera: l’atlet de schi Hannes Zingerle á cherdé adöm l’interes de tröc amanc de chësc sport por na "Louisiana a copies". Bëgn 52 é i sogadus che se á metü ala proa – 26 copies, gnüdes alerch da döt Südtirol y dal Venet. Söl post él te chësta ocajiun ince rové plü atlec atifs dl monn dl schi: Christof Innerhofer, Alexander Prast, Alex Hofer y Matteo Canins. (md)

Deplü tla ediziun stampada