N bel cedean per l Trofeo Contrin

Data

03 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Felicetti e Failoni venc la garejèda ruèda ai 45 egn de endrez.


En domenia ai 28 de aost se à coret l Trofeo Contrin, ruà al beliscim travert de 45 edizions. La corsa se à slongià dal piaz di auti del impiant portamont de Ciampac enscin al Refuge Contrin de la familia Debertol, che desche zenza se à cruzià del endrez.

La garejèda, jita do a la strèda forestala de la val Contrin, era longia passa 6 chilometres per n dislivel positif de zirca 500 metres. I più che 80 atlec enscinué se à prejentà al start da les 10 dadoman e, do la fadia, i à podù tor pèrt al bel program sa mont anter magnèr tradizionèl e musega.

Sessaben che la garejèda del Contrin chiama ite desvalives atlec, da chi più competitives che proa sie mior temp, a chi che ciapa l event desche scusa bona per se fèr na raida semper gustegola.

Emben a venjer l Trofeo Contrin 2022 l é stat l pardacian Daniele Felicetti, no a sia pruma venta, che à serà su te 27’59”. Gran destach sul secondo, se se peissa che Enrico Loss dal Primier l é ruà al travert con un menut e 40 de destach te na garejèda dut somà curta. 29’39” l temp che ge à valù l arjent, col prum fascian Massimo Chiocchetti en terza posizion te 31’06”.

Anter la eles pruma la trentina Livia Failoni te 41’11”, seconda Chiara Fedel de Piné te 46’20”, amò n’outa al terzo post la pruma atleta fascèna, Linda Spagnolli de Vich te 49’38”.

De più su La Usc stampèda de vender ai 2 de setember.  (Daniele Verra)