La Usc di Ladins

La "Kronplatz King MTB–Marathon" é rovada en sabeda passada a süa 6a ediziun. Cun ciarüsc y temperatöres frësches adaldërt, é atletes y atlec piá ia puntualmënter dal zënter d’Al Plan, cun travert söinsom Plan de Corones. Por chi che á opté le percurs plü dür dla "King Marathon", ti aspetâl danterite n percurs de 64 km y chi 3.150 metri de deslivel. i partezipanc ala "Prince Classic" â da ti ester manëcia a 49 km cun 2.160 m de deslivel. Por düc él sté na gara tambëgn sfadiosa, sciöche ince spetacolara, olache ai á podü despassé les belëzes dla Val de Mareo, mostré so förtl sön i tröc toc de "single trail" y nia inultima se gode la bela contrada de crëps al travert.

Sön la destanza lungia él sté pro i ëi Leonardo Paez che á lascé iadedô la concorënza, taian le travert dan la Concordia dô 3:17.43,9 ores. Secundo é gnü le rus Aleksei Medvedev cun 3:20.02,5; terzo le talian Daniele Mensi cun 3:21.11,4. Pro les ëres se l’á fata avarëi la todëscia Adelheid Morath, che é rovada söinsom cun le tëmp de 4:00.50,9 y ti á insciö dé n bel destach ales döes talianes Chiara Burato (4:15.18,2) y Costanza Fasolis (4:18.38,7).

Ince valgügn ladins l’á vagada da jí al start. Deplü tla ediziun stampada  (pablo)