La é scomenzèda con de bela sodesfazions la neva sajon agonistica de bal sui feres (o jadiné artistich per durèr na forma più interladina) per joegn e joenes sportives de noscia valèdes.
Apede al resultat internazionèl de Manuel Piazza de Gherdena a livel nazionèl ai prumes de otober al Palaghiaccio de Pèdua l é stat metù a jir la pruma garejèdes Elite 2022-23, de valuta per l Campionat talian Junior. Te la zità veneta l joen da Cianacei Matteo Marchioni, jà campion talian te la categoria Advanced Novice Elite l se à vadagnà n boniscim 5° post te la categoria Junior.
Na setemèna do, ai 8 e 9 de otober a Trent l é stat la pruma proa regionèla de Copa Tèlia Gold e chiò l é ruà n podie ladin con Miriam Planchesteiner de l’Artistico Ghiaccio de Fascia che con 103,37 ponts la se à vadagnà la medaa de bron te la categoria Junior Gold.
De più su La Usc stampèda de vender ai 28 de otober. (Lucia Gross)
Su la giacia Giovanni Pezzei venc e passa "Gold"
De bie resultac ladins tel jadiné artistich a Trent e jun Busan, olache l joen fascian se à vadagnà l or con na bona valutazion tecnica. Matteo Marchioni 5° Junior nazionèl.
Galaria retrac
View the embedded image gallery online at:
https://www.lausc.it/sport/21416-su-la-giacia-giovanni-pezzei-venc-e-passa-gold#sigProIdfcbdca91e7
https://www.lausc.it/sport/21416-su-la-giacia-giovanni-pezzei-venc-e-passa-gold#sigProIdfcbdca91e7
