La Usc di Ladins

Le campionat de 2. categoria é jü inant la domënia passada cun la partida danter ASC Mareo y Gossensass. I maroi á dominé le jüch y s’á ince condüt a ciasa na devënta por 2 a 0. Ai comana insciö inant la classifica provisora cun 23 punc, trëi deplü co la scuadra dl Plose. L’ultima partida de chësc altonn soga le Mareo en sabeda dales 16:00 a Mühlwald, cuntra la formaziun de ciasa.
Tla fin dl’edema passada él ince gnü soghé partides de Copa Provinzia dla 3. categoria. Chiló ne i ára nia buté ales döes scuadres ladines. La US La Val á messü se dé sot por 3 a 1 cuntra le Oberland, l’ACD Val Badia á pordü por 3 a 1 cuntra le Untermais da Maran.