La Usc di Ladins

Someèa de esser sot Nadèl, tanta l era la jent sentèda ju su la tribunes del Scola per l match de Alps Hockey League di 6 de novembre anter i Falcons e l EHC Lustenau. I tropes sostegnidores rué te stadie no l era ghesć vegnui en vacanza, ma jent de Fascia, che no se tol de spes l temp per jir a veder na partida de hockey, coche sozedea ti egn de or del hockey talian. Ampò ai 6 l stadie era bel pien con tropes bec, genitores e amisc che no à volù se perder la festa. Perché de festa se à tratà, de cheles che met adum sport, devertiment, union e ensegnament.

L’ocajion é stata endrezèda da la sozietà del Fascia che se à pissà de mudèr na endesfida de AHL te n event dassen gustegol. N Törggelen per duta la jent de la val, zenza biliet de entrèda. Duc chi che à volù à defat podù jir a veder la partida debant e endèna l match l é stat fat castagnes. 

De più su La Usc stampèda de vender ai 11 de november.  (Daniele Verra)