L Fascia à perdù contra l’ultima

Data

11 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I ladins se à lascià fèr sora per 4 a 1 a Vigolo Vattaro, ma endèna i se tegn l secondo post.

N pas faus en domenia ai 6 de november per l Fascia Balon, che à perdù te la Valsugana contra la Vigolana. 

Part sobito mal i fascegn, che i ciapa l prum gol do demò n menut de jech: su n passaje de so compagn, Deflorian no l é bon de controlar l balon, che l fenesc te sach. 

Do chest gol ciapà a freit, i joegn fascegn i va mingol en fantìa e no i é bogn de far sie jech per proar a drezar la endesfida. Sul mez del temp rua ampò l gol ladin, con Massimo Lorenz che, do na bela bala metuda dant da Samuele Ruggiero, l sauta l portier e l met te usc l gol del 1 a 1. 

Do chest gol i bec de mister Cigolla i taca a jiar e a ge dar valch cruzie a la defendura de ciasa, dant con na trata de ciaf de Patrizio Deville, che l defensor salva su la linea, e do co na trata da tanche ite l’area de Gabriele Riz, ciapada endò su la linea dal defensor valsuganot. Sul fenir del prum temp rua l gol dal 2 a 1 da man di patrogn de ciasa, do na trata da vejin. 

Te la seconda part de la partida i bec de president Ghetta i proa a drezar l resultat, ma i se peta duc inant e i patrogn de ciasa part en contropé e te una de cheste azion rua l 3 a 1, con n cross falà che se tramuda te n gol. 

De più, coi resultac ence de la squadres mendres, su La Usc stampèda de vender ai 11 de november.  (Pierpaolo Rasom)