Hockey: i joegn anter partides, festa e Nazionèla

Data

18 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L setor mender di Falcons semper atif. Chesta setemèna pecia partides, ma richeza de emozions.


La ultima setemènes l hockey di joegn à dat gran sodesfazion, con de bela partides ma soraldut bela scomenzadives de union e spas. Do la bela festa fora Ciavaleis che acà doi setemènes à binà ensema aló dal stadie bec da l’U.9 a l’U.15 e l Törggelen de la setemèna passèda al Scola, con duta Fascia envièda debant a veder i Falcons de Alps contra l Lustenau e a jir coi feres en legreza dessema ai campions de la squadra maora, en domenia ai 13 de november l é stat amò na bela ocajion: l quarto tornoi de campionat U.9 te Fascia defat à endò chiamà ite n bel schiap de jent a viver l mond del hockey, chel più bel, chel di picoi.

Da les trei domarena l é jit su la giacia bec del Fascia, del Fiem, del Meran, del Piné e del Trent. E endèna che i bec se godea, ence i tropes genitores à podù vardèr l tornoi duce ensema con pascion. A la fin duc i bec i à podù ence magnèr de gust, ajache i genitores fascegn à portà n bel mingol de golosaries per fèr l tornoi amò più bel e… bon!

De più su La Usc stampèda de vender ai 18 de november.  (Daniele Verra)