La Usc di Ladins

»Sion na picola gran familia, fajon chel che podon con le ressorse che aon«. Con chesta paroles l president Riccardo Franceschetti à orì la radunanza del FassActive, chiamèda ite te sala de Consei de Comun de Sèn Jan en sabeda ai 19 de november. 
Na radunanza belebon partezipèda, segn de la vejinanza e del enteres per chesta realtà metuda su con chela de ge sporjer ai bec, joegn e gregn l met de fèr atività sportiva. 

Loris Bonelli, istrutor nazionèl e responsabol tecnich, che à metù dant te sie intervent e tras n video la filosofia del FassActive ge dèr l met a duc de fèr sport e se goder, de crescer col grop, se sentir duc valives, poder cerner l’atività che ge pièsc de più e i portèr inant fin al mond del lurier. »L FassaActive l é nasciù del 2008 col obietif de ge dar na alternativa al agonism – à dit Bonelli – ajache far agonism cogn esser na scelta ence per via di cosć auc per le familie. Far sport enveze l é n derit e a chest ge tegnon n muie e se dajon ju per portar inant duc al medemo livel. 

De più su La Usc stampèda de vender ai 2 de dezember.  (Monica Cigolla)