La Usc di Ladins

No la é fenida, fin canche no la é fenida, se podessa dir. L Fascia chest an no à abù n campionat da marevea, per endèna, ma tel moment che conta l somea aer troà la giusta motivazion per despassèr vèlch limit tecnich de la squadra e se vadagnèr n travert da ensomech, n ensomech che se chiama playoff. Ma la strèda é amò longia.
Serèda su la classifica al 13° post su 15 tel Preliminary Round e metuda ite con 0 ponts tel Giron de calificazion ai pre-playoff A (con autra squadres che enveze aea jà vèlch pont de bonus), someèa per i Falcons na sajon da petèr demez. E enveze, tel moment più emportant, canche no se podea più falèr, la squadra vidèda da coach Marchetti à tirà fora chel zeche de più per proèr a se jièr duta sia chèrtes: venta contra i jormegn del Gherdena al scomenz de chesta neva fasa e autra doi ventes ai overtime de contra a Linz e Vipiteno. Chesta marcia ge à valù per endèna 7 ponts e la terza posizion tel giron de calificazion A. Ruèr ti prumes trei posć del Giron A volessa dir se vadagnèr l met de jièr na endesfida da ite e fora, chi che vegn chiamé pre-playoff, de contra a una de la pruma trei squadres del Giron B per aer l azes ai playoff dessema a la cinch squadres che é do a jièr l Master Round.

De più su La Usc stampèda de vender ai 3 de firé.  (Daniele Verra)