Copa Mond: belau n podest mé norveges

Data

14 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L à mancià puech che l fossa inò unit a s’l dé n podest coche tl 2015, cun bën trëi atlec dla Norvegia. Prim Aksel Lund Svindal. Christof Innerhofer ie stat bon de rumpì su la falanx norvegeja, ruvan segondo.

Kjetil Jansrud ie terzo, Aleksander Aamodt Kilde cuarto. Almanco te n prim mumënt. Ajache cun l numer 50 ie l franzëus Johan Clarey mo stat bon de spaché su deplù l bloch di norvegejes, se tlassifican cuarto y mandan nscila Kilde sun l cuinto plazamënt.

Do tëmps ntrermesans scialdi boni, almanco da podest, à Domme Paris danz lascià ora na porta. Peter Fill ne fova mo nia a post, per si poblems fisics, se tlassifican do la rata dovia.

Nsnuet (vënderdi ai 14 de dezëmber) dala 17.45 iel a Urtijëi la premiazion, ulache l vën nce trat ora i numeri per la Libra tradiziunela de n sada che scumëncia - ocio! - bele dala 11.45!

Na garejeda propi scialdi bela, chëla de n (ncuei) vënderdi, n Super G cun dut laite: l bujën de vester boni de jì debota ma nce de tò la portes metudes ju te na maniera scialdi tecnica. L purtoi y l tëmp de marueia à fat l rest!

Cumplimënc ai urganisadëures - l ie inò stat n gran retlam per Gherdëina y la Ladinia ntiera!

Sun la foto: Prim Aksel Lund Svindal.

David Lardschneider

Galaria retrac