Caterina Ganz se fèsc onor al Tour de Ski

Data

09 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La joena da Moena é endò anter i miores. Bie resultac di joegn de la Monti Pallidi.


Se à serà sù en sabeda ai 5 e en domenia ai 6 de jené con la doi tapes te Fiem l 13° Tour de Ski. En sabeda l’é stat la mass start a tecnica classica de 10 chilometres per la femenes e de 15 chilometres per i omegn. Te n stadie da marevea, con n publich dassen engaissà e che à semper sostegnù si atlec, l’é da meter al luster l bel 15° post de la joena Caterina Ganz da Moena, clas 1995, che à dit de aer semper volù garejèr tedant a sie publich.

“La tousa dal recin de perla” desche l cognosciù depent de Jan Vermeer, l’à fat dapò en domenia ence la garejèda Final Climb a tecnica ledia sul Cermis. 9 chilometres de gara, de chisc 3,5 duc de erta per ruèr sul Cermis, con pontes ence del 30%, na media del 12% e n dislivel de 420 metres. Na gara dassen ria che no à sperdù jù la forta Caterina tant che la é stata bona de se classifichèr adertura 20^. “Son n muie contenta del resultat – l’à dit Caterina – la é stata dura, è fat fadìa ence percheche è cognù star ceta per n mes per me aer fat mal a n pe, ma è volù dar dut chel che podeve. Sè che pode amò miorar, mie obietif ades l’é i Mondiai de Seefeld.” Dassen de bie complimenc a Caterina.

De più ence sui resultac di etres atlec, su La Usc stampèda de vender ai 11 de jené.  (mci)