An nef, vita… su la giacia!

Data

09 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Descorion la situazion de la trei squadres ladines al scomenz del 2019 tel campionat de Alps Hockey League. Cortina e Gherdena se troa tel mez de la classifica, l Fascia resta endò.

La festes é oramai fenides, l 2018 se à serà e l’é nasciù n an nef, pien de speranzes e ensomesc, projec e vita da descorir.

Ampò zenza paussa l’é jit inant l campionat de Alps Hockey League, mascima competizion che veit empegnèdes noscia trei squadres ladines. Vardon donca en curt coche vigniuna de chestes à serà sù e avert endodanef l’an.

L S.G. Cortina Hafro l’é la squadra ladina che miec à fat dal scomenz del campionat. L Gherdena se troa pech più en jù, a l’11^ posizion en classifica con 37 ponts. La squadra ladina che più stenta l’é de segur l Fascia, che l no é bon de uzèr l cef e fèr vèlch saut inant en classifica. I Falcons i se troa a l’ultim post con 11 ponts. Dò aer perdù l derby col Gherdena, i bienc e bruns i à scomenzà l’an con doi desfates, ruèdes dant con l’Asiago (2-1) e dapodò con l Milan (2-6). Se à arjont a chisc despiajeres la burta neva del salut dat dal portier Matt Hewitt, ruà te val acà pech temp per defener la porta fascèna e jà partì endò demez dò na lingia de gran bona prestazions.

Ades noscia trei squadres cogn amò jièr la partides di 9 e 10 de jené de contra a HK SZ Olimpija (Fascia), Migross Supermercati Asiago Hockey (Gherdena) e Wipptal Broncos Weihenstephan (Cortina).

Depiù su La Usc stampèda de vender ai 11 de jené 2019.  (Daniele Verra)