Coi feres ence del 2019

Data

13 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La partides de hockey di setores mendres no à vedù pausses endèna la festes per l’an nef. Descorion i prumes resultac del 2019 di joegn del Fascia Falcons.

 Da n an en l’auter, chel che no se ferma mai ti hockeysć del doman l’é la voa de se trèr ite i feres e ge corer dò al disch e a la emozions. Desche cheles de Alps Hockey League, ence la partides di setores mendres les se jites inant. Bec picoi e più gregn enscin ai jiadores oramai schèji vertesc per se petèr te la mascima serie no se à sparagnà nience endèna la festes. La befana à portà te sia ciauza n gran numer de goi, spetacol e emozions.

Per chel che vèrda i più picoi, l’U.9 à jià apontin l tornoi de la befana de contra al Fiem e al Busan Academy. L’U.11 enveze ge à fat front a na neva endesfida: la partides jièdes sul piaz entriech (alincontra, te la pruma pèrt de la sajon i bec de chesta categorìa jièa su na porzion più pìcola de giacia). I picoi hockeysć à tout sù con entusiasm chesta neva e i se à bon dat jù, tant che a la fin i é stac bon de bater dant l Fiem (1-0) e dapodò l Piné (6-5).

Per chel che vèrda chi mìngol più gregn, l’é ruà n’autra venta imponenta: en sabeda ai 5 de jené l’U. 13 à jià l derby ladin de contra a l’Auta Badia, avent per 10 a 1. Dò l gol del vantac segnà da Andrea Caimi, l Fascia à ciapà l lèrch de gra a la steches de Mirko Gilmozzi (5 goi) e Stefano Iori  (4 goi).

De più, ence sui resultac de le Undes maores, su La Usc stampèda de vender ai 11 de jené 2019.  (Daniele Verra)