No demò garejèdes per i Pavei d’arjent

Data

14 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I balarins de l'Artistico Ghiaccio de Fascia à portà dant con bon ejit l tradizionèl spetàcol de fin de an e i à dat suport tel chèder del cognosciù contest de influencer “The Hottest Winter 2018”.


Chesta setemèna ve conton vèlch de desvalif che revèrda nesc balarins del Val de Fascia Artistico Ghiaccio. I Pavei d’arjent defat no à tout pèrt a garejèdes te chest ùltim trat de temp ma i é stac protagonisćdel bel spetàcol de fin de an che la sozietà à endrezà ai 22 de dezember tel stadie de la giacia de Dèlba, che à vedù ruèr per l’ocajion adertura Mary Poppins, n personaje dassen n muie benvolù da pìcoi e gregn.

Apontin da Nadèl l’é vegnù fora l film che conta l secondo capitol de la vita de la chinzidiera più de nonzech d’Inghiltera e con l’ocajion la sociazion à volù proponer da nef la storia originèla.

La neva de chest an l’é stat l’endrez de la loterìa da Nadèl, che al cost de 2 euro a biliet l’à metù a la leta n grum de premies dalbon riches, desche na smart TV Full HD, na sojornanza de doi nets da cerner anter localitèdes desvalives, n notebook, n ciuciapolver, na machina per l café e etres ogec de valor. La maor pèrt di premies é stac retiré al moment de l’estrazion, ampò se l’é zachei che amò no l’à fat i pel chiamèr o manèr n messaje whatsapp al numer 328.6923931.

De più su La Usc stampèda de vender ai 11 de jené 2019.  (cri.m)