La Norvegia dominëia la Copa Europa söla ”Ërta”

Data

17 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Podest döt norvegesc tl gigant de Copa Europa di ëi tigní en jöbia ai 17 de jená. Tröc ladins al start
Dui dis do le gran suzes dla gara de Copa dl Monn dles Ëres, á la pista ”Ërta” d’Al Plan ciamó ospité n slalom gigant de Copa Europa di ëi, sté la jöbia ai 17 de jená. Le podest é döt norvegesc, cun Lucas Braathen che á davagné cun 2:01.70, dan sü conazionai Bjoernar Neteland (+0.23) y Rasmus Windingstad (+0.50). Le miú azzurro é Giovanni Borsotti, che á recuperé n bel poch de posiziuns y s’á ala fin classifiché 8. (+0.93). Les speranzes südtirolejes ê do la pröma manche tles mans de Simon Maurberger de Ahrntal che ê cuarto. Tla secunda i ára sceché y al á messü s’acontenté cun le 10. post. I atri azzurri é Giulio Giovanni Bosca al 15. post, Andrea Ballerin al 17. post, Giulio Zuccarini al 28. y spo le badiot Hannes Zingerle tla 30. posiziun.
Plü inant tla classifica ciafunse i ladins Alex Zingerle da La Ila, Samuel Moling da Corvara, Alex Vinatzer de Sëlva y l’atlet d’Al Plan Tobias Kastlunger. Nia cualifiché por la secunda ne s’á Matteo Canins de Badia, deperpo che Manuel Ploner da San Ciascian é tomé fora tla pröma manche.
La gara é stada sot l’organisaziun dal comité Al Plan Events y é gnüda mostrada ince sön RaiSport.  (pablo)