Alessandro Chiocchetti 5° ai EYOF 2019

Data

16 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Sarajevo l’atlet de la Monti Pallidi à fat dassen na bela proa. Te la sprint l’é l 7° post de Matteo Ferrari



Da la pruma giornèda de gares di EYOF 2019 (European Youth Olympics Festival) de paslonch a Sarajevo, en lunesc ai 11 de firé te la 10 chilometres a tecnica classica de ic, l’é ruà dassen n bel resultat. Alessandro Chiocchetti de la Monti Pallidi l se à vadagnà n beliscim 5° post con demò 20’’ de destach dal podie che veit n dominie fort de la Franzia. Prum post per Florian Perez col temp de 30’37.8, 2° post per Julien Arnaud con +18.1 e 3° post per Gaspard Rousset che à serà sù a 1’49’’ dal venjidor. Al 4° post l ceco Vacek, soul de l’an 2002 anter i prumes nef classifiché.

Anter i prumes 20 atlec l’é ence Matteo Farrari che é scrit ite al Ski College che se à classificà 14° e Luca Sclisizzo ruà 17°; Pietro Pomari enveze l’é ruà 27°.

Te la gara de 7,5 chilometres de eles enveze la pruma does é svizres: 1^ Anja Weber con n destach de mez menut da la 2^ Nadja Keaelin. Terzo sciaier per la polaca Monika Skinder e 4^ la todescia Thannheimer, che la é del 2002.

Pruma de la taliènes l’é Anna Rossi 36^, Francesca Cola la é 42^, Sara Hutter 47^ e Silvia Campione 59^.

En jebia ai 14 de firé l’é stat la sprint en tecnica classica e chiò l soul talian à passèr la calificazions l’é stat Matteo Ferrari del Ski College de Fascia che à fat adertura l 5° temp. Te la semifinèla purampò no l ge l’à fata a passèr ma l’à vadagnà aboncont l 7° post assolut.

 (mci)