La diejima Copa de Pigneter y Clara

Data

18 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La dezijiun ê bele tomada dan otedé, mo la premiaziun é stada chësc fin dl’edema. Patrick Pigneter y Florian Clara á süa 10. copa de cristal.
Ince chësta sajun de copa dl monn de liösa sön pista naturala é jüda a piz. A Umhausen tl’Austria él gnü tigní chësc fin dl’edema la ultima gara, te chëra che al gnô surandé definitivamënter les copes. Tl dopl n’êl plü degünes sorpreses: Patrick Pigneter y Florian Clara â bele dan otedé metü a saul so titul y n’ê maticamënter nia plü da abiné, insciö ái podü pié do süa 10. copa de cristal. Insciö ince pro les ëres, olache Evelin Lanthaler á davagné dötes les gares y s’á plü co mirité süa terza copa dl monn. Pro le singul di ëi mëssâ s’la fá fora l’austriach Thomas Kammerlander, che â tla classifica generala ma 10 punc de vantaje sön le südtirolesc Alex Gruber. Ala fin ne s’á plü mudé nia. Kammerlander davagna la copa, secundo Alex Gruber y terzo Patrick Pigneter.  (pablo)