Caterina te la top 15 te la Val d’Aosta

Data

20 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Bona prestazion de la joena atleta da Moena te la 10 km a tecnica classica a Cogne, de valuta per la Copa del Mond, che fèsc ben sperèr per i Mondièi de Seefeld.

Chest fin de setemèna passà a Cogne te la Val d’Aosta l’é stat la sprint a tecnica ledia, la 15 km de ic e la 10 km de eles a tecnica classica, ultimes apuntamenc de Copa del Mond inant di Mondièi de Seefeld, de utol per descorir la condizions di atlec en vista de l’emportant apuntament te l’Austria. 

Per chel che vèrda la eles anter la 7 atletes taliènes en competizion l’era ence Caterina Ganz, che à otegnù sia terza top 15 de sajon. En vea del Tour de Ski la joena da Moena no l’aea amò vadagnà si prumes ponc te Copa del Mond, ma a pontèr via da la 10 km a skating de Dobiach l’é stat na crescimonia de resultac, fin a ruèr al bon ejit de Cogne, otegnù dò l gran lurier portà inant en previjion del Mondièl. 

La 10 km a tecnica classica l’é mia garejèda preferida - l’à dit l’atleta moenata - sé che ai Mondièi posse di la mia. La joena, che chest an somea aer fat n vèrech inant dalbon emportant per sia cariera sportiva, l’à ence afermà che la sajon negativa de l’an passà, segnèda da n deit rot, a la fin l’à servì a ge dèr maor gaissa e determinazion.

De più su La Usc stampèda de vender ai 22 de firé.  (cri.m)