Ponta via la Scufoneda

Data

12 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dai 13 ai 17 de mèrz a Moena se bina i maores pascioné de telemark e freeride. 

Fascia ciapa endò vita con la Scufoneda ruèda a sia XXII edizion, la manifestazion che bina adum i più engaissé pascioné de telemark e de freeride, che ponta via en mercol ai 13 de mèrz e la va inant fin en domenia ai 17. Dò 21 edizions la Scufoneda se moscia desche n event vif e rich de stimoi con schiadores che rua da dut l mond, ence dai Stac Unii, Grecia e Norvegia, che se bina per cognoscer “Moena land of telemark”, l teritorie più “cool” per i pascioné del ciucegn ledech. Telemark a duc i livìe te cinch giornèdes riches de devertiment e sport.

La neva de chesta edizion l’é l party “a 360° l fiorir del soreie su la Dolomites” che se podarà mirèr en jebia ai 14 de mèrz dal Refuge Maria sun Sas Pordoi. Per la pruma outa chest an la Scufoneda jirà fora dai confins de Fascia per na esperienza coi schi fin al Refuge Torre di Pisa, tel cher del Latemar, travers l raion dai schi Latemar-Obereggen. Telemark e freeride a bolauf compagné desche semper dal snow yoga. En sabeda ai 16 e en domenia ai 17 de mèrz l’event sarà al vilaje Scufons sun Sèn Pelegrin olache la maor firmes de schi e massarìa per l telemark e freeride farà proèr a duc i materièi neves sul mercià.

Dal vilaje di Scufons pontarà demez la escurscions vidèdes con la cèspes, i corsc de telemark con la Scola de schi Dolomiti de Moena e se podarà ence se relassèr te l’oasi del benesser. Amò anter la neves l’é la mostra fotografica “I viajes de l’Ors” dedichèda ai viajes te teres dalonc con schi, rencurèda dal telemarker de Parma Cristian Mercadanti. Dut l program é da poder troèr su www.scufons.com

 (mci)