I picoi Pavei sgola a Trent e a Fanano

Data

19 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion de bal artistich su la giacia der Fascia la é dò a serèr sù bel delvers chesta sajon agonistica. L’ultima garejèda la é en cors chisc dis jun Busan

Desche per l schi, ence la sajon del bal sui feres la é dò che la se arvejina a la fin.

En sabeda ai 6 de oril a Trent l’é stat la finèla de campionat de fascia nazionèla. A chesta garejèda à tout pèrt ence l Val di Fassa Artistico Ghiaccio Pavei d’Arjent con Matteo Marchioni, che se à vadagnà la medaa de arjent e donca l titol de vize campion de la categorìa Basic Novice col mior resultat tecnich. L’é stat dalbon na sajon piena de sodesfazions per l balarin de la sociazion sportiva fascèna.

L fin de setemèna dò, dai 12 ai 14 de oril a Fanano l’é stat metù a jir l Trofeo Interregionèl. A jir tel picol comun de la provinzia de Modena l’é stat Elisa Planchensteiner e Micol Testor.

En sabeda ai 13 l’é stat ence l’ultima garejèda intersozièla “Trofeo città di Trento” che à vedù tor pèrt i Pavei Arianna Verra, Giovanni Pezzei, Emily Fosco e Arianna Seneca.

Vedon i resultac.

A Fanano te la categoria Junior Elisa à serà sù te la 7^ posizion e Micol é ruèda 19^.

A Trent tant Arianna Verra te la categoria preagonistica che Giovanni e Emily ti Pulcini i é rué prumes con medema valuta. Gran bel resultat per Arianna Seneca che te la categoria Junior se à vadagnà la medaa de arjent.

Endèna che jon en stampa tel stadie de la giacia de Busan l’é en cors l’ultim apuntament de la sajon, la Sudtirol Ice Cup. Dai 17 ai 20 de oril a se dèr jù per ge dèr luster ai colores de Fascia l’é Sophia Sommavilla, Sarah Fosco, Ginevra Seneca, Melany Planchensteiner, Miriam Planchensteiner, Andrea Martina Brunner, Martina Marchioni e Elisa Planchensteiner.

 (cri.m)