N grum de podies per la Street Dance School

Data

11 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sozietà fascèna de ginastica ritmica à tout pèrt con gran bon ejit a la pruma garejèda regionèla del campionat Uisp
Sajon dalbon positiva per la sozietà sportiva Street Dance School & Ritmica Fassa che te l’ultima garejèda l’à fat l pien de podies.

En domenia ai 14 de oril tel palazet “Resa Biencia” a Ciavaleis beleche 160 ginastes à tout pèrt a la pruma garejèda regionèla del campionat Uisp te la categorìes 1a, 2a, 3a, 3a elite, coletif, e promozionèl a squadres, con sozietèdes ruèdes da duta la region.

L’event agonistich l’é stat endrezà da la sociazion fascèna en colaborazion con Uisp comitat trentin. Gran sodesfazion de la tecniches Patrizia Delogu e Sandra Bernadàs per i resultac otegnui da la ben 58 atletes che les à enjignà te chisc meisc de alenamenc.

Estra i sacotenc podies vadagné dal grop de l’agonistica l’é da sotrissèr la gran emozion per chi del grop promozionèl, che à vedù la più picoles di corsc fèr sia pruma esperienza tant de competizion che sul podie.

L’é da egn che la sozietà fascèna tol pèrt ai doi campionac, Uisp e de Federazion. Chest ultim, che perveit doi garejèdes regionèles con l’azess a la nazionèles, se à jà sturtà sù, enveze per chel che vèrda l campionat Uisp chesta di 14 de oril l’é stat apontin la pruma competizion, en domenia ai 28 l’é la seconda garejèda a Gardol e dò sarà i campionac nazionèi en program a Follonica dai 23 de mé ai 2 de jugn. En sabeda ai 18 de mé l’é l spetacol de fin de an tel teater de Tieser e dò la ginastes podarà se vaghèr na paussa. I setores pre agonistch e agonistich tacarà da nef i alenamenc da d’istà da messèl fin a la fin de aost.

Per info se pel telefonèr ai numeres 349/5230269 o 338/7512752 opura jir su la piata Facebook Street Dance School, olache se pel ence troèr de bela fotografìes de la ginastes.


Duc i resultac su la Usc nr 18 stampèda ai 10 de mé  (cri.m)