Fora da cher’aga

Data

11 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Un pefel de ‘l Comun de Anpezo: no se pó nodà inze ‘l lago de Sorapisc. Un ordin par precurà una de rsa śoies de chesta val, agnó che ogni di rua masa śente, masa sfazada
No se pó se bicià inze ‘l lago de Sorapisc, no se pó nodà. A ‘l dì ‘l é un ordin de Gianpietro Ghedina Crepo, el capocomun de Anpezo, mandà fora par el mes de agosto. Ci che vó proà a se bicià isteso podarae ciapà ‘na multa da 25 a 500 euro. I à betù fora sto pefel par proà de precurà chel lago, chera śoia de ra nostra natura, algo de bel da vede e da vive. Manciaa ‘na carta che dijese a ra śente de no nodà; inveze ‘l ea beleche outra lejes par no bicià ra spazadures d’intorno, par no inpizà el fo inze ‘l bosco, par no bete śo ra tenda da dromì. Ades se spera che con chesto no ee pi chel rejistro che s’à vedù i ultime ane, da canche dute à vedù chel lago su i social e i é vegnù ra chiza de śì su. La su chera graes, sote ra croda e ra jaza, pede chel lago zeleste, bel da no crede, s’à vedù galantome e sfazade; ‘l é ci che se contenta de fei ‘na foto e ci che inveze mola cechemai daparduto, scondù intrà i sasc, sote ra piantes, inze r’aga, a 1.923 metre. I anes pasade s’à scotà de duto, s’à lieto cechemai: calchedun dijea de sarà el troi, canche ‘l é masa śente, e de lascià pasà noma alcuanta parsones. De outre vorea toi via chera sciares de fer, che i à betù i anes pasade su chel troi che và su da Son Śuogo, agnó che pasa mile e mile parsones a ‘l di.

Deplù te la edizion stampeda.