Musica maestro

Data

16 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Par una setemana intiera se sentirà daparduto ra notes de ra gran Festa de ra Bandes de Anpezo, cemodo che suzede da 43 ane. Duto conpain e duto noo; el paes se moe, drio ra so Banda che i dà el condar.
Amighe che rua da ra vales ladines, da ra provinzies e rejos śo par pede, da indalonśe, par se cordà e se capì
Vera ca, r’é danoo ca ra Festa de ra Bandes de Anpezo, ra pi granda de duta ra manifestazios popolares de un an intiero. Vó ese un an intiero par ra parecià, se scomenza deboto ades, par ra festa de ‘l an che vien. Vó ese duto sto laoro, parcé che sedenò no se và adora a enpì una setemana intiera de musica. Se taca con domegna ai 18 de agosto, col conzerto de ra Banda de Anpezo, dares 20.45, sote el padeon de len de piaza Angelo Dibona. L é un toco che i musicantes sona, par el paes e fora, par duta sta setemanes d’istade, ma chel di i betarà algo depì. Da ‘l indoman, lunes ai 19 de agosto, se và inze ‘l Alexander Girardi Hall, par scotà ra prima de »Marco Polo«, una storia in musica par vos c che conta e orchestra de fiade, co ra Rovereto wind Orchestra. El testo e ra musica i é de Antonio Rossi, par trope ane maestro de ra Banda de Anpezo.

Deplù te la edizion stampeda dl 16 de agost.