De sguaita sul Sorapisc

Data

19 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
El laoro de tropa parsones par mantegnì polito una śoia de Anpezo, chel lago zeleste che dute vó vede. Sto an somea che ra vade meo, dapò de el rejistro de i anes pasade, par el turismo screanzà. Un ordin del capocomun par precurà r’aga; poliziote e carabiniere co ra mondura, da bete surizion a i pi sfazade
Co i ome co ra mondura che stà de sguaita, poche à voia de fei baronades e coscita no n’é biśoin de cazà multes. Su dal lago del Sorapisc, al rifujo Vandelli, sto an ra stajon r’é drio a pasà fora meo, inveze de chel rejistro de i anes pasade, canche ‘l ea spazadures daparduto, canche ra śente se conportaa malamente e chel lago ‘l ea deentà conpain de Jesolo. Chel ordin betù fora el 1 de agosto dal capocomun Gianpietro Ghedina Crepo ‘l à śoà, ma pi che see ‘l é ra mondures de ra polizia, de i carabiniere forestai, de i guardies del Parco d’Anpezo. Emilio Pais Bianco, da Auronzo, el laora lasù da vinte ane, inze chel rifujo de el Cai de Venezia, co ra so femena Sabrina, co i fioi, con outre lourantes: «Sto an ra và meo, fin ades, ra śente r’é pi ‘na bona, se laora con pi calma. Ei acaro de chel ordin del capocomun de Anpezo; in vorarae ese de outre anche da ‘l comun de Auronzo, par ra tendes, par ‘l elicotero; de là del confin, inveze, se pó fei duto chel che se vó. Chel ordin che disc che no se pó nodà el no conta noma par tegnì calchedun fora da r’aga, ma par fei capì che casù no se pó fei duto chel che se vó. No se pó ruà ca co i materasis de goma, da dorà su r’aga, par dapò i bicià inpó calche sasc, con outra spazadures. No se pó inpizà fó o dromì agnochemai. Ma soralduto śoa vede ogni di calchedun co ra mondura: i stà alolo dute pi boi».

Deplù te la edizion stampeda dl 16 de agost.