Par dià i nostre vece

Data

07 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
El laoro del comun par dià ra families de ra parsones che stenta depì. Da zinche mesc i à sarà el servizio diurno, via par el di. Da i conte del 2019 ‘l é vanzà 135mile euro. Un bel donatio de i maestre de schie
El Comun de Anpezo ‘l é drio a lourà, aduna co ra so sozietà Cortina par i servizie a ra parsona e co ra Ulss 1 Dolomiti da Belun, par fei moe danoo el diurno, el servizio via par el di, che ‘l é tacà a ra ciaśa da pousà de comun Dotor Angelo Majoni. Chesto servizio ‘l é sarà da marzo, da canche ‘l é soutà fora chesta marescia Covid-19, coscita da zinche mesc i no pó azetà i vece, i marade, ra parsones che stenta, che no se và adora a tegnì in ciaśa: «Da un pei de mesc son drio a studià cemodo podé fei, ma no n’é par nuia fazile. Speron de reduje algo chesta setemana, dapò che s’ón parlà co ra Ulss da Belun»–ra me disc Giulia Girardi de Giosuè, loudaduó de comun par i servizie soziai. Ra setemana pasada i s’à ciatà dute aduna, el capocomun Gianpietro Ghedina Crepo, el so vize Luigi Alverà Bissi, con Paolo Stocco aministrator de r’azienda Cortina, el diretor Claudio Talamini e Alessandra Cappellaro, par el comun.

Deplù te la edizion stampeda.