Ra Rejon Veneto r’à prescia de scomenzà a jaà inze ‘l bosco de Ronco, da fei fora duta noa ra vecia pista Eugenio Monti, da dorà del 2026 par ra gares de bob, skeleton e cocio, par i Śoghe olimpiche e paralimpiche d’inverno. Chel inpianto ‘l é stà sarà dal Comun de Anpezo del 2008, parcé che el spendea masa par el tegnì daerto, e ades ‘l é coscita mal redoto che sarà da el fei fora duto noo. Da Venezia i vó bete 85 milioi de euro, par chesto inpianto da sport, ma anche par outro da i bete pede, un parco da śuià, anche d’istade. Par ades i s’à cordà col Comun de Anpezo. »Dal studio tecnico e economico à da vegnì fora cemodo fei i laore, par fei nasce danoo chesta pista, fata su del 1923 e comedada almanco cuatro otes, par ruà a fei ra Olimpiades del 2026, setanta ane dapò de cheres del 1956« – el disc Luca Zaia, presidente del Veneto.
Deplù te la edizion stampeda dl 16 de auril.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
Cridore in pista a Ronco
Se parla de dorà 85 milioi de euro par fei fora el vecio inpianto Eugenio Monti, par ra Olimpiades e Paralimpiades d’inverno 2026, ma calchedun ‘l é contra e domanda al governo talian de sparagnà i sode e de precurà el paes. Ra Rejon Veneto ra se corda col Comun de Anpezo e ra varda a ra provinzia de Bolzan
Galaria retrac
View the embedded image gallery online at:
https://www.lausc.it/valedes-ladines/anpezo/15422-cridore-in-pista-a-ronco#sigProId04bc80deea
https://www.lausc.it/valedes-ladines/anpezo/15422-cridore-in-pista-a-ronco#sigProId04bc80deea