La Usc di Ladins

Na tematica de gran atualité por les dites de costruziun locales y sambëgn ince por i privac o les ativités che ó mëte man da fabriché te chësc momënt particolar é le gran aumënt di prisc registré te chësta spana de tëmp de pandemia. L’incremënt de zirca le 130% registré dl prisc dl aciá, danter novëmber 2020 y forá 2021, i derivac dl petröre +40%, le ram +17%, le petröre instës +34%, á na faziun dër grana sön les dinamiches dl marcé. Chësc discurs vel ince por le prisc dl lëgn che é jü sö plö co le dopl tla medema spana de tëmp, sciöche ince plastiches y materiai da isolé. 

La spligaziun de chisc gragn aumënc n’é daldöt nia scëmpla y dessigü nia da dé a na motivaziun unica. A dit de esperc dl setur, se tratel de n mëte adöm döta na seria de motivaziuns suradöt de carater macroeconomich. An podess zënz’ater ponsé: a gauja dla pandemia él fabrics chites, pücia jënt sön strada y dër tröpes realtés é gnüdes architades, y avisa por chësc motif oresson dí che le prisc messass, sce nia jí jö, almanco resté sön la süa.

Liéde do deplü tla Ajenda de Economia, en chësc iade curada dal dot. Manuel Bernardi dl Stüde Verginer - Seve,
gnüda fora tla ediziun atuala de La Usc di Ladins!