Par sié otes, intrà luio e setenbre, ra Union de i Ladis d’Anpezo ra me fesc moe danoo con Paolo Giacomel, par inparà algo depì de chesta val. S’à scomenzà ai 28 de luio, inze ‘l piazal Atleti Azzurri d’Italia, daante al stadio Olimpico de ra jaza, a parlà de ra Olimpiades del 1956. Ai 4 de agosto se và da ra jeja de ra Madona de ra Difesa, par contà de chel don fato da Donna Alegranzia e de ra jeja del 1751. Ve dijon anche de ra setemanes dapò: ai 11 de agosto se scota ra cianpanes del cianpanin de San Iaco, che ‘s me conta ra so bela storia; ai 18 de agosto tocia a ra architetura anpezana, in mostra sto an, fin d’outon, inze ‘l museo etnografico de ra Regoles d’Anpezo; ai 25 de agosto se conta ‘na burta storia de sango, suzeduda de luio del 1903. El 1 de setenbre se parla de i confis con chi da Mareo, del 1471. Se se ciata senpre da bonora, dares 10.30, duta ra otes. Par in saé depì se pó lieśe el sfoi dà fora da r’Ulda, che se ciata agnochemai, o sedenò śì a vardà Facebook, sul canal Unionladisdeanpezo.
Deplù te la edizion stampeda dl 30 de lugio.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
I mercui de ra cultura ladina
Galaria retrac
View the embedded image gallery online at:
https://www.lausc.it/valedes-ladines/anpezo/16578-i-mercui-de-ra-cultura-ladina#sigProId98ba89b1e6
https://www.lausc.it/valedes-ladines/anpezo/16578-i-mercui-de-ra-cultura-ladina#sigProId98ba89b1e6