“Didane a venjer chesta endesfida”

Data

22 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Comun de Sèn Jan sera Gardecia e Val de Sèn Nicolò e l’endreza n servije de pulmins per smendrèr l’entesseament.
“Se n rejona da egn, duc sà che l trafich e l’entesseament l’é l problem maor te sajon per l benstar di ghesće de noscia jent. Sèn Jan, conscidran dut l’an, l’é l Comun che à la calità de l’aria più zompa e ades aon dezidù de tor sù l’endesfida e de proar a mudar dalbon le robe. L’é na endesfida grana, che la comporta valch renunzia da man de ogneun, perché no se pel pardiciar ben e “razolar” mal e le regole le cogn valer per duc.” 

Chest en sostanza l’é chel che l’ombolt de Sèn Jan, Giulio Florian, ge à dit dantfora a la jent che en martesc ai 14 de mé à empienì la sala del Consei de Comun te ogne piz e cianton per scutèr la neves che la Jonta de Sèn Jan à dezidù per la mobilità per chest istà.

L’obietif l’é chel de sostegnir na mobilità doucia, con pulmins che va stroz e met en coleament la desvaliva frazions del comun, trafich serà per Gardecia e Val de Sèn Nicolò e l’envit a lascèr l’auto ti piazai e durèr de più i impianc, la roda, i pulmins, l trenin... o jir a pe.

No l’é mencià vèlch critica te sala, da pèrt de patrons de tiejes o de ejercizies sa mont che se sent penalisé da la neva mobilità, ampò l’é stat tropes ence i intervenc de lauda e de sostegn a la scomenzadiva de gran coraje de l’ombolt e de la jonta de Sèn Jan.

Duta la informazions sui servijes de la neva mobilità, con oraries e cost, i é da poder leje su La Usc stampèda de vender ai 24 de mé.   (Lucia Gross)