Che bel aer la ales!

Data

11 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N bel grop de bec e joegn à portà sun paladina la comedia “Uccelli” de Aristofane sot la regìa de Michela Marangoni
Che gaissa, che snait e che energìa che i sprizèa chi joegn!! N’energìa contagiousa che à ciapà ite duc i spetatores te sala tant che a la fin no i era più bogn de stèr senté jù sun chela carieghes…

L spetacol de teater portà dant en vender ai 24 de mé al PalaDolomites de Ciampestrin l’é stat dalbon zeche da bel. N bel grop de 22 bec e joegn da duta la val, che à tout pèrt al laboratorie de teater finanzià dal Comun general de Fascia, à portà sun paladina la comedia dal tìtol “Uccelli”, touta cà da Aristofane e adatèda ti personajes e tel lengaz col didament de Loreta Florian de l’Ofize servijes linguistics del Comun general.

La storia conta de trei amisc che ègres de viver anter beghes e gelojìes, i dezide de se n jir da sie paìsc e de realisèr n projet desmesurà: jir a chierir Upupa, che tel passà l’era l dio de la Tracia, che  é stat mudà te n ucel e meter sù ensema a duc i etres ucìe, na zità ideèla tel ciel, anter i omegn e i dees, che i chiamarà Nubicuculia. Apenamai però che i fenesc de fèr sù la neva zità, taca a ruèr autra jent che dò aer sentù de chest gran projet, i vel jir a stèr con ic. E dapò rua ence i dees che no no ge va ben che i ucìe se aesse metù te anter e coscita… ma no podon ve dir de auter percheche senò ve roinassane dut l gust de jir endò a la veder, ajache la vegnarà metuda en scena amò ence chest istà, ai 25 de messèl.


De più su la Usc nr 22 stampèda ai 7 de jugn  (Monica Cigolla)