Inant per defener autonomìa e valores

Data

13 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La radunanza à nominà n grop de lurier per ge dèr n nef endrez a la UAL. Prum vèrech l confront con Moviment Ladin de Fascia
La UAL no pel serèr sù. Te la radunanza generèla chiamèda ite en vender ai 7 de jugn zirca 50 prejenc à confermà chel che l’era stat dit acà n an.

L’é giust e utol recordèr i obietives arjonc, soraldut te chisc tempes de memoria curta, e chest l’é stat sotrissà da n muie de intervenc: dut chel che Fascia à otegnù ti ultimes 40 egn, tant a livel giuridich, de conscidrazion, che ence economich - l’é stat dit - l’é merit de la UAL.

Ampò fèr ejercizie de memoria no l’é assà. 

La UAL l’é n strument, no na bandiera da uzèr sù – à dit Bepe Detomas – e dò aer perdù la ùltima litazions l’é da fèr na riflescion sul davegnir del moviment, che n’outa arjonc i obietives fosc l’à fenì sia funzion storica e l podessa serèr sù. Ma si valores storics desche pluralism, solidarietà e unità - l’à dit - i é amò de referiment per la defendura de la mendranzes e ge vel troèr la vida de i portèr inant.

La posizion “la UAL cogn jir inant” é stata chest’outa formalisèda te na mozion, portèda dant da Fabio Chiocchetti: duc – fora che 2 astegnui – à votà contra la ipotesa de serèr sù.


De più su la Usc nr 23 stampèda ai 14 de jugn  (Lucia Gross)