L bosch: che marevea!

Data

20 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La raida tel bosch con Celso Rizzi à permetù de descorir n muie de aspec de gran enteress su la conseguenzes del Tormen Vaia. 
L’à abù gran bon ejit la raida tel bosch endrezèda en vender ai 14 de jugn da l'Union di Ladins de Fascia. L’espert forestal Celso Rizzi con l compagnador de teritorie Andrea Vian e l president de l'Union di Ladins Fernando Brunel i à menà n grop de na chindejina de fascegn da Chiusel fin forin mont de Vich, dò la veia strèda da bosch. Na raida sorida e piajegola, con n tempram otimal, che à permetù de veder dut l bel de la natura che se desceda, ma ence i dans che l tormen Vaia à portà a nosc bosch. 

Celso Rizzi à despiegà la caujes de chisc evenc climatics, che sozedea ence tel passà, ma n muie più da chièr. Se ades i sozedarà più de spes sarà senester per l bosch ruèr a crescer.

Dò strèda se à podù veder ence l resultat di intervenc jà porté inant per recuperèr l legnam crodà e neteèr fora l bosch e dapò Rizzi à moscià coche l bosch pel endò crescer apede a la veia zopes e l’à metù dant l pericol che vegn dal becherle.   

La raida dassen enteressanta e istrutiva se à serà sù forin Mont de Vich, olache dut l grop à podù se refizièr con vèlch da beiver rejonan amò mingol de la marevees de nosc ambient.  (LG)