Marijene ponta demez con Fantasia

Data

24 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Scomenza l’istà te Fascia con mùsega, jeghes e amisc
En vender ai 31 de mé tel parch di jeghes de Poza, l’é stat la festa del scomenz de l’istà organisèda da la sociazion Marijene – Picoi da Mont, co l’inom “L Ream de la Fantasia”. L’inom de la festa l’é nasciù dal tìtol de na cianzon scrita aposta per la sociazion da Biju Vadagnini e Marco Mattia, per fèr doventèr la baby dance originèla e leèda a nosc esser ladins. Chest domesdì dut dedicà ai bec l’é stat la conclujion de n percors formatif scomenzà ai 10 de jugn, organisà per i joegn che chest istà lurarà con Marijene ti desvalives parches di jeghes de la val. 

L’é stat n moment de festa che ge à permetù ai neves de meter al luster chel che i à emparà endèna l cors, l’à fat cognoscer la sociazion e sia ativitèdes ai bec del post e l’à creà n bel moment aiegher e de devertiment per ge dèr l benvegnù a l’istà. 

Sacotenc l’é stat i bec che à tout pèrt e desvaliva la paroles positives di genitores. L’é stat organisà jeghes a squadres, co la mùsega, de cognoscenza e de baby dance, che ge à permetù ai pìcoi de cognoscer neves amisc e de se passèr n domesdì desferent pien e rès de spas. Ai genitores. enveze, ge é stat dat la segureza de aer vejin jent formèda, bona de stèr coi bec e de i fèr grignèr zenza pericoi.

I tousc de Marijene chest istà i lurarà ti parches de Soraga, Vich, Poza, Ciampedel e Cianacei. Se siede enteressé a sia ativitèdes, podede troèr duc i programes su la piata Facebook Associazione Marijene – Picoi da Mont, su la piata Instagram @marijene-picoidamont o sul picol libret Fassalandia ti ofizies turistics. 

I joegn no i veit l’ora de scomenzèr sie lurier e se binèr endò con sie picoi amisc, cognosciui endèna la festa.  (Lisa Brunel)