N grum de encontres culturai a Moena

Data

12 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Va inant enscin ai 7 de aost la rassegna de evenc per cognoscer scritores e personajes del panoram leterèr talian
Ence chest an Moena, per endrez del Comitat Moena Evenc, ge sporc a ghesće jent dal post l met de scontrèr desvalives personajes del panoram leterèr e cultural nazionèl con i apuntamenc de “Moena Encontres”.

A averjer la lingia de scontrèdes l’é stat Valentina Musmeci l’autora trentina del liber “Il bracconiere, vegnù fora de november del 2018 a cura de La Grafica Editore. L liber, portà dant con la moderazion de Virna Pierobon, l roda dintorn l percors de vita e la esperienzes de persones de la generazion del 1968, vedudes en prospetiva individuèla ma ence sozièla. 

Musmeci é na ensegnanta, l’à viajà e fat fotografies per siti e revistes de viac. L’é fondadora de la sociazion Falenablu, che sostegn la realisazion de ativitèdes artistiches e educatives contra la violenza su la femena. Falenablu colaborea col MART, l Museo de èrt moderna e contemporana de Trent e Rorei. 

Per chel che vèrda i etres apuntamenc, en mercol che vegn ai 10 de messèl da les 9 da sera te sala de consei de comun sarà Davide Bubani che rejonarà de ”Il sognatore ribelle”, n liber che conta de Tomasz Mackewicz, n alpinist fora dai schemes che zenza nesciuna esperienza de l’Himalaya l se à enamorà de n ensomech, l Nanga Parbat da d’invern. 

Tel chèder de la rassegna ‘“Ispirazions d’istà”, en jebia ai 25 de messèl semper da les 9 da sera te teater Navalge, Tamara Lunger contarà sia straordenèra esperienza de alpinista e sie percors de crescimonia culturala, de coche mond sportif e mond spirituèl convif e se enterza te sia persona.

De aost, ai 2 da les 6 domesdì ti vidores de Strada Loewy vegnarà metù a jir n event cultural su la fegura de Luigi Heilmann, sentadin onorèr de Moena, e su sia femena Marcella, autora del liber “Moena nel cuore”, te chel che l’à contà la Moena de n temp. Dò vegnarà logà n recort en memoria e sarà n moment convivial con la musega del quartet Demò Ousc.

L’ùltim apuntament l’é en program en mercol ai 7 de aost da les 9 da sera te sala de consei de comun col scritor Rosario Sala. Motoziclist per pascion, l’autor ogne an fèsc viajes envers desvaliva destinazions per didèr la popolazions più puretes che scontra sun sie percors. Tel liber ”Alla scoperta dell’Asia in sella a una moto” l conta de l’esperienza vivuda endèna l viac da soul da Trent a Hanoi e portarà dant l’aventura che vegn, da Cape Town a Trent.  (cri.m)