L’Ensemble Canticum Novum cianta la vita de Gejù

Data

11 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é n nef projet ambizious nasciù da na idea del diretor Ilario Defrancesco. Prum conzert tel chèder de la rassegna de Ispirazions d’istà en jebia ai 18 de messèl te gejia de Moena   
“Alfa e Omega. Io sono il principio e la fine” l’é l titol del nef projet musical de la Corala Ensemble Canticum Novum da Moena. L’é na neva assoluta, che se tol fora dai programes prejenté enscin ades. Vegnarà defat portà dant al publich la storia en musega de la vita de Gejù, per ousc e cor; da l’Anunziazion fin dò la Ressurezion, l conzert metarà al luster la tapes prinzipèles de la vita de Crist, con museghes de desvalives stii e epoches, con ite per anter ence vèlch composizion mai sentuda, scrita aposta. L projet é nasciù da na idea del diretor Ilario Defrancesco e l’é stat realisà travers na selezion de museghes e tesćevangelics che crea n soul fil de narazion.

N projet ambizious e rich che à domanà meisc e meisc de proes per l’enjignèr delvers, ma ence n muie stimolant per l’Ensemble che l’an passà à festejà i 25 egn de atività.

“Alfa e Omega. Io sono il principio e la fine” vegnarà prejentà con l prum conzert te gejia de Moena en jebia ai 18 de messèl da les 21.00 tel chèder de la rassegna “Ispirazions d’istà” endrezèda da la Comiscion per la cultura de la parochies de Fascia e dapò l vegnarà amò portà dant en jebia ai 25 te la Pieif de Ciavaleis, en jebia al prum de aost a Ègort, ai 8 de aost endò a Moena, en lunesc ai 12 de aost a Ciastel de Fiem, en domenia ai 18 a Juan e en mercol ai 28 te gejia de Pera.

De più su la Usc 27 di 12 de messèl  (Monica Cigolla)